نمشيو لجيهة خرا..
كان هو ومروان جالسين أونفاص مع لأوطيل لي فيه عثمان ..ملي جا وهوما حاطينو تحت المراقبة مالقاو عليه والو المشكلة كيعياو يحضيوه وماكايعرفوهش فوقاش تيدخل وفوقاش كيخرج او فأشي أوقات..تا من جهاز التنصت لي كيبغيو يزرعوه ليه ماكايلقاوش كيفاش..
كريم: هدا بحاليلا كيقرا افكارنا
مروان: مروان كيقول بحاليلا عندو شي واحد من البوليس كيوصل ليه اش كنقولو
كريم: كنتافقو بيني وبينك وهارون..كيفاش دار ليها
مروان كيحرك راسو يمين وشمال: مروان جاه هدشي غريب ..
كريم: ميمكنش يكون جاي غير يدوز العطلة ويزيد اكيد عندو شي بلان..بلان دلأسلحة هدا
مروان: حتى هارون قال هكا ولكن كيفاش كيدير ليها اكيد عارف راحنا كنراقبوه وداير احتياطو
كريم: تماما..
نطلعو لفوق للاوطيل..
كان جالس فالشومبر ديالو فيها واحد المكتب ومدوز ابل مع خوه هشام
عثمان: خونا طلع بزناز عند الزوبير
هشام: عثمان نت عارف هدشي كيتسمى غدر؟
عثمان: عارف ولكن البنت تستاهل نغامر عليها اهشام تاقت فيا وبغاتني نعاونها ونحميها منو..
هشام بهدوء: هدشي بان لي فات التيقة اعثمان كنعرفك
عثمان تبسم: من اللول قلت ليك عجباتني
هشام: وانا لي تعجب خويا وتفرحو نعزها ..المهم البنت درت عليها بحت جابولي كاع معلوماتها ..بنت حي شعبي داخلة سوق راسها ماشي ديال اللف والدوران كانت صعيبة مع راسها..تانصيفط لك داكشي لي جابو ليا
عثمان: مشيتي بحثي عليها كاع
هشام: نعرف شكون هادي لي خدات عقل خويا تستاهل ولا ماتستاهلش
عثمان تبسم: قاديتي ليها لوراق فالطاليان
هشام: كلشي هو هداك..قلتي ربعيام بقات وتجيو
عثمان: ربعيام يكون الصطوك واجد يتصطوكة فلباطو ونزيدو عندكم
هشام: مأمن كلشي البوص ماشاك فوالو؟
عثمان: لا كلشي تمام
هشام: وارد لبال حيت لا وقعات شي حاجة ماتماش انا لي انخرج فيه اعثمان
عثمان: كون هاني نت غير رد لبال تماك انا شاد الأمور هنا
هشام: يلاه تهلى عندي مايدار
وقطع..
طل على الميساجات لي صيفط ليها كاع مامقرين ..رجع كتب ليها: بقات ربعيام اعبلة واتكوني فالطاليان وجدي راسك..وراقك واجدين فالطاليان واتتهناي..
وميل راسو: عاد انتعارف انا وياك مزيان اعبلة فالطاليان.
داز الوقت وجا الليل..
نهار كامل وهوما بجوج ناعسين ..من صباح تا طاح الليل وتاواحد ماجا فيقهم..كانت غير كتتحرك كيرجع يجرها وينعسها بين احضانو كل مرة كتضربها لفيقا على صوتو كينطق اسمها..مرة ناضت للحمام سلات وخرجات لقاتو واقف فلباب رجع جرها ونعسها بين يديه..جاه نعاس عجيب تقول سيمانة مانعس..وهي ستاغلات الفرصة ترتاح هاد النهار..واخة مامرتاحاش فالنعسة وهي بين يديه ..
كان راسها على صدرو هي غير بسوتيان وسليب ..ضربتها الفيقة كتشوف الدنيا ظلام من غير ضو خافت حمر من لفيوزة لي حدا راسها..شافت فيه ناعس بهدوء..بلعات ريقها وشدات يديه على خصرها وبعدتها بالشوية باغ تنوض صافي عيات..
حتى كتقفز فاش هز راسو داك الساع ونطق بصوت خشن فيه بحة بكترت ماغوت فالصباح: فين غادة؟خليك
عبلة قوصات حواجبها: عييت جنابي طابو بالنعاس..بغيت النوض
جرها من خصرها كتر حتى طاحت على صدرو ويديه مور ضهرها كيلعب بالصمطة دالسوتيان وعينيه فعينيها مخنزر بلعات ريقها خايفة يكون عاق بشي حاجة ويخنقها هنا فوق هاد الناموسية
نطق حاس بالدوخة ولمطارق فراسو مازال دماغو ماراصيش..: ما اتمشي لتاشي بلاصة اعبلة..عمري نخليك تبعدي عليا…يا ليا يا للقبر اعبلة
قرصها من ضهرها: عارفة هدشي؟
هزات راسها باه: عارفة
وتمتمات بهمس قذر يسمعو هو: فوقاش تجي هاد المـ وت خلاص
ميل راسو: زربانة على روحك؟
عبلة: لا
قوص حواجبو من الوجع ونطق: شحال فالساعة
عبلة شافت فالوقت: لحداش ونص دالليل
قوص حواجبو: كيفاش؟
ناض جالس كيشوف فالساعة ويشوف الظلام
شعل الضو وهو لي عند بالو انه من لبارح فاش نعسو فالليل ودارت ليه لمصاح يلاه فاقو دابة..بحاليلا الصباح دابة..مولف يظلم لبيت فين كينعس..
نطق مافاهم والو: واش يلاه نعسنا؟ واش مازال ماصبح الصباح..ولا راحنا فالصباح شهاد لقـ لاوي
عبلة: لا فقتي فالصباح درتي فضيحة ورجعتي طلعتيني معاك ونعستيني حداك حتى لدابة
شاف فيها ونطق: حـ ويتك فالصباح ولا تاهي لا؟
عبلة ميلات راسها مخرجة عينيها فيه عاد سرات معاها انه داك المنوم كيخلي لواحد يفكر انه كلشي غير حلم ولا كابوس
نطقات: اه مالك نسيتي شنو واقع لك؟
مسح على راسو
وهي مازال كتدوي باغة تلعب ليه على الدماغ: كاع داك لفضيحة والشوهة لي درتي لتحت نسيتيها كوماكنتش بايتة حداك نقول س.كران..
يحساب ليه داكشي كامل لي وقع فالصباح غير حلم قرب ليها جرها من دراعها: اش وقع
عبلة: واش ماعاقلش؟
نطق: قلت شنو وقع
عبلة بدات تعاود ليه ..حط يديه على راسو كيضرو وداك الهلوسة ماكاتخليش الواحد يركز مازال تحت تأتيرها: صافي سكتي
عبلة :انلبس عليا ونهبط بحالي
يلاه ادير خطوة وهو يجرها: ماعندك فين تمشي اتبقاي معايا
عبلة: جاني الجوع وعييت
جرها ليه كيمسح على شعرها: بلاصتك معايا اعبلة ماانخليك تمشي لتا بلاصة سمعتيني..
هزات راسها باه: صافي واخة تهدن عفاك
بعد عليها: جيبيلي دوايا..جوج حبات
مشات تحسب الدوة وهو مراقبها كيف كتتحرك ويشوف فيها تابعها بعنيه فكل حركة كدير..تقول اتهرب عليه دابة..لابسة غا داك الدوبياس جامعة شعرها سفنجة كلها مشعكة وجها صفر وتحت عينيها زورق..وكتتحرك بتعب الجوع نهار كامل والنعاس..ومارس معاها فالصباح طاقتها نفدات..
قربات ليه: هاهو
خدا داك جوج حبات شربهم..
عبلة: فيا الجوع شدتني السخفة دالجوع وخاصني نشرب دوايا كنحس بمعدتي بدات ضرني..خليني نهبط ماعندي فين نمشي
نطق : هضري من تماك يطلعولك كلشي لهنا
بقات كتشوف فيه وتنهدات ومشات دورات للطليفون لخاص بالمطبخ ونطقات وهي كتتفكر دلال: دلال..دلال
دلال كتسمع صوت عبلة قربات لداك لبراي اللي معلقة: شنو بغيتي
عبلة: طلعيلي لعشا انا ولبوص وجيبيلي دوايا راه فلبلاكار لي حدا التلاجة تماك وماتعطليش فينا الجوع
وقطعات عليها خلات دلال اتمـ وت بسمها..
ومشات دخلات للحمام وخدات لبينوار..دوشات وخرجات شافتو متكي ومغمض عينيه باينة ماناعسش عارفاه باش كيحس كلشي مخربق..لابسة داك لبينوار..وشعرها مطلوق مبلول كتنشف فيه..وتشوف فيه من لمرايا..حل عينيه وهي تنزل عينيها بقة كيشوف فيها لتواني ويطلعها ويهبطها وناض دخل دوش تاهو..
خرج جا مع الدقان كانت دلال ولخدامة جابو الشاريو دلعشا
عبلة حلات الباب ونطقات: حطيه لداخل فالصالة لي تماك وخرجي
دلال خنزرات فيها
عبلة: دغية شكا تسناي
دلال ماتقد تقول والو دخلات الشاريو وحطاتو فالصالة وعبلة واقفة ليها فلباب تاخرجات وسداتو..
ومشات نيشان باش تاكل: اجي تتعشا
تاهو كان تيحس بالجوع جلسو فداك الصالة كيتعشاو بهدوء..جالسة وحاضياه حتى كتقفز فاش نطق بلا مايشوف فيها: مالك حاضياني؟
عبلة بلعات ريقها: لا والو غير كنسهى
هز راسو فيها خافت من شوفاتو لحادين نايمين وحومر..نزل عينيه لفخاضها لمعرين مفتوح عليهم لبينوار….
جمعات الوقفة وخرجات من الصالة ومشات للحمام غسلات يديها وشلات فمها ومشات شربات دواها..وقفات كتمشط شعرها بالها كلو معاه لاعاق بيها..دقايق دازو وهي ساهية قدام لمراية حتى كتقفز من ملمس يديه على يديها جاي من موراها بلعات ريقها كتحس بلمساتو شوية قلبها لجيهتو وبدا يحل ليها لحزام دلبينوار شداتو من يديه: عاد دوشت
ميل اسو: عاودي دوشي
حتى كتشهق فاش هزها بين يديه للناموسية وفتح داك البينوار بان جسمها مكشوف
عبلة يلاه اتدوي وتمنعو وهو يسكتها بقبلة متملكة غارس يديه فشعرها مبلول حاس براسو ماقادرش يتفرق عليها وباغيها وخايفها تمشي من بين يديه..دقايق من القبل هو بوحدو لي كيبوس تهز شوية ونطق: كتاخدي لفنيد دلحمالة
رمشات بعينيها مشا من بالها كاع بلعات ريقها كتتفكر انه ماكاتاخدوش ك
عبلة بلعات ريقها ونطقات بكذب: اه كناخدو فالوقت
ماكملش معاها داك الساع نزل كيوزع قبولاتو على جسمها ساعتاين دازو جرها ليه منعسها بين احضانو نعس وهي فايقة ودمعة حارة نازلة من عينيها ماحاملاش راسها توسخات.
نهار جديد..
فاق مخسر دماغو مرون وحريق الراس كوابيس كلهم فيهم عبلة هاربة منو..شاف فيها ناعسة ميل راسو كيشوف فيها لتواني وناض دوش لبس عليه نزل
غير شافوه بلعو ريقهم كيتسناوه يقلب عليهم شي طبلة ولا يتيري فيهم..ماشافش تا فيهم خرج من لباب اللوراني للطموبيل ديالو كان رئيس الحرس واقف
البوص: شدد ليا الحراسة مزيان عينيكم تبقة مفتوحة راقبو شكون داخل وشكون خارج..عبلة مننوع تعتب لباب يوقع لي يوقع
وركب وزاد…
داز الوقت..وقت لغدا
كانو مجمعين فالصالة..وعائشة دايرة لهوط باغلوغ كيهضرو مع اسيل لي كتقرا على برى .
عائشة: ايوا الحمد لله شدي فقرايتك هي لي اتنفعك ماتفقصيش مك راكي مخرجة ليها لعقل
اسيل كتضحك: طاتي كوني هانية ماكين غير لقراية..ووجدي ليا بيتي انجي فالعطلة انشاء الله
عمران: الزين دلعلام نتي غير اجي نعطيوك بيتنا انا وفهد كاع
فهد: شمن نتشاركوه بتلاتة
اسيل ضحكات: هههه والله تاتوحشتكم وتوحشت زبايلنا
طاهرة: مرحبا بيك ابنتي
عائشة: اجي وديري عقلك لعار ماخصنا صداع مع هارون
اسيل كتمدغ فشوينگوم وتضحك مامسوقاش: كوني هانية..درت عقلي اطاتي..كي بقة هاروني لاباس؟
على كلامها شافوه داخل كلهم شافو فيه
وقف عليهم
عائشة: ولدي على سلامتك
تحنا باس راسها : الله يسلمك
باس راس تا الطاهرة وجلس وسطهم وشاف فعمران وفهد: شنو تما
عمران: كلشي تمام
فهد: لقراية والدار الزبايل أوهو
عمران: كي لأمانة اخويا هارون
هز راسو باه بمعنى الله يجعلني نتيق
حضن الطاهرة: الزين دلعلام
الطاهرة باست كتافو: غبرتي علينا
عائشة: نسانا كاع
حضن تا عائشة من الجيهة لوخرا: راكم عارفين الخدمة
أسيل كانت كتصنت وعاضة على شفايفها كتسمع فصوتو وكتمدغ لمسكة وطرطقها حتى تسمع الصوت
قوص حواجبو: كتهضري فالطليفون
عائشة: اه مع اسيل
ملامح وجهو تبدلو
اسيل: ولد خالتي لاباس عليك
ميل راسو: بيخير الحمد لله ونتي
تبسمات: تانا شحال بيني وبينك اولد خالتي ماتسولش فيا
مسح على راسو بلا مايجاوبها
رجعات نطقات: انجي عندكم فالعطلة
عائشة: اه غادي تجي تجلس معانا شي يامات
الطاهرة: مرحبا بيها
طرطق عنقو ونطق: تعتبي باب هاد لقصر ونلقاك كدوري هنا لعصبة درجليك نقطعها ليك وماتلقاي باش ترجعي لقرايتك
كلهم شافو فيه مصدومين وهي بلعات ريقها
وناض طلع للفوق مخليهم غير كيشوفو
اسيل: خالتي بسلامة وقوليلو انجي صحة عليه ما ايمنعنيش نشوف عائلتي
وقطعات وعائشة كتولول: الله ياربي
الطاهرة: زاد فيه صافي خطبها وفسخ الخطوبة ووقع لي وقع
وسكتو مبدلين الموضوع
داز الوقت..طاحت الظلمة
رجع للقصر اليوناني نهارو داز خايب مامركز فوالو بالو ماعارفش شنو واقع ليه وداك المنوم مامخليهش يفكر ويركز..
دخل لقة سحر بوحدها فالصالة غير شافتو وقفات بغات تقرب ليه وهو يمنعها بيديه: فين هي
سحر: شكون
نطق: عبلة
بلعات ريقها: فالكوزينة
خلاها وزاد للكوزينة وهي عاضة على سنانها الغيرة كتحفر فيها
دخل شافها كتمسح فالطباصل قرب وجرها من دراعها بلا تا كلمة تا طاح الطبصيل وتهرس لخدامات شهقو بالخلعة وهو مامسوقش جارها وطلع بيها للبيت حيد كوايجو بقة بداك الشورط وهي واقفة كتشوف فيه وفحالتو باين مديرونجي
جلس فوق الناموسية: ماصي ليا جبيني
قربات كتماصي ليه..غمض عينيه وهي واقفة بين رجليه كتماصي ليه ترخة دقايق دازو وهو ينطق بهمس: أسـيـل جيبيلي جوج حبات ديال الدوة ديالي
داك الساع يديها حبسو من لماصاج رمشات بعينيها كتحاول تستوعب السمية لي نطق
رجع نطق: اسيل ..
وحل عينيه وشاف فيها عاد سرات معاه شنو نطق من فمو ..
دقايق دازو وهو ينطق بهمس: أسـيـل جيبيلي جوج حبات ديال الدوة ديالي
داك الساع يديها حبسو من لماصاج رمشات بعينيها كتحاول تستوعب السمية لي نطق
رجع نطق: اسيل ..
وحل عينيه وشاف فيها عاد سرات معاه شنو نطق من فمو ..
مسح على راسو زاد تعكر مزاجو بهاد لبلان..عبلة بقات كتشوف فيه لثواني اول مرة ينطق اسم شي وحدة بهاد الطريقة وهو معاها ..أسـيـل شكون هاد اسيل..جا هاد السؤال فبالها وهي مازال كتشوف فيه وكتشوف ملاميحو كيفت تبدلو..ماغاتسولوش عليها ..
نطقات بهدوء : واخة هنا نجيبو ليك
ومشات عمرات كاس دلما وجوج حبات ديال دواه فكلينيكس وقربات لعندو: هاهوما
شاف فيها وهو كياخد لكاس ولحبات داك الساع رجعات باللور: مازالة بحوايج الخدمة بغيت نهبط نبدل عليا
شرب داك الدوة وهو كيشوف فيها مطلعها ومهبطها فداك لاجيب كيف مزيرة عليها نطق: عندك حوايج هنا حطاهم نورة
وشاف فجيهة بيت تبدال..
عبلة نطقات: زعمة بغيت نرجع لبيتي كنرتاح فيه كتر
وقف كيمسح على راسو متقل عليه مازال كيحس براسو مرفوع نطق: اهم حاجة نرتاح انا
وشاف فيها: وراحتي تبقاي معايا
عبلة كتشوف فيه بحاليلا ماشي هو لي عاد نطق باسم وحدة خرا جوج مرات قدامها نطقات: لي سمعك يقول كتحماق عليا..
وقلبات وجها زادت كرهاتو كتر وكتر كتحس براسها رخيصة قدامو فبالو وحدة خرا وهي مطلقها وكيماوس معاها فالحرام حسات بغصة فقلبها ..ملي فحياتو وحدة خرا ومدخلها لبالو لدرجة ينطق اسمها قدامها علاش هي معدبها يسيفطها بحالها ويمشي يعيش حياتوو…
قرب ليها كيشوف فيها بغة يدوي وهو يسكت من بعض الهمسات جاوه لراسو : راها غادي تهرب غير كتبتك
قوص حواجبو وشدها من دراعها وضغط: فين باغة تهربي؟
عبلة بلعات ريقها بخوف كتقول صافي عاق بيا بدات غير كتمتم
رجع نطق : فيين باغة تهربي منيي هضري
عبلة قفزات من صوتو كتشوفو فعينيه كي لقرطاس وموجعها فدراعهاا بلعات ريقها ..كي دار عاق بيها وكيفاش عرف صافي مشات فيها نطقات: هنا نشرح ليك
كي دار عاق بيها وكيفاش عرف صافي مشات فيها نطقات: هنا نشرح ليك..
قوص حجبانو من الوجع لي جاه تاني ورخف عليها شاد فجبينو وعبلة حضياه..سمع صوت تاني: واش اتخلي عبلة تمشي
هضر مزير على راسو: لا ما انخليش عبلة تمشي
رجعات باللور قلبها كيضرب فلمية عاد فهمات انه من فعل الهلوسات ..لصقات مع الحيط مراقباه
هز راسو شاف فيها كيحاول يتحكم فراسو: شنو هدشي واقع
عبلة: ماعرفتش
دخل للحمام كيغسل وجهو ويعاود وهي مازال متكية على الحيط وكيدوزو قدام عينيها دوك اللحضات لي كانت كتتعدب فيهم ماكاتعرفش راسها واش كتحلم ولا حقيقة واش حمقة ولا بعقلها..
خرج من الحمام ونطق: اجي حداياا..ماتبعديش من حدايا اعبلة ..
قربات ليه مسيراه: مالك شنو واقع ليك
غوت ليها فوجها: قلت ماتبعدييش
نطقات: صافي واخة هنا معاك
مفعول الهلوسة كيبقة لواحد لفترة بسيطة وكلما الواحد تفاعل معاها كلما تأتيرها كيزيد..طلع فوق الناموسية وتكا وخلاها تكا حداه جرها حاط راسها فوق صدرو ويديه على خصرها كيشوف فالسقف باغي يفهم شنو واقع ليه ولكن تفكيرو محدود مازاكيش مامقادش..هكا داك المنوم كيدير كيخلي لواحد ماقادرش يفكر ويفهم شي حاجة..
غمض عينيه كيحاول مايركزش فداكشي لي كيجي لبالو
وعبلة عارفاه باش كيحس والصراع لي عندو فدماغو ..تمتمات هادي غير لبدية..
زير على عينيه حتى كيتمتم تاني: أسيييل
هزات راسها داك الساع..
حل عينيه كان فواحد الحلم ولا كابوس جا فدماغو للحضة..كيشوف فراسو فين كيجي فبالو بحاليلا نعس مدة طويلة وهو غير كان مغمض عينيه واحد تلاتة دقايق..
عبلة عضات على شنايفها وهو كيستوعب اش واقع وشنو قال
ناضت من حداه وهو يجرها: قلت ماتتحركيش
عبلة بهدوء: الله يخليك لي فيا كافيني ماتزيدش تكمل عليا
جرها بالسيف وخلاها تكا على صدرو محاوط خصرها: عبلة انا فحالة ماقادرش نستحمل شي حاجة تزيد تشعلني
عبلة: نت فحالة بالك مع وحدة وبين يديك وحدة خرا كتعدب عليها خليني غا نمشي بحاليي
نطق: ضرك راسك تعرفيها شكون
عبلة قلبات وجها: لا ماكايهمنيش ..
وفالداخل ديالها قاتـ لها لفضول..ماشي غيرة ولكن تعرف شكون هادي لي خلات هارون الزعيم يسهى وينطق اسمها..وحتى لاكانت غيرة اتكون الغيرة ديال انه هي معدبة ولوخرا اكيد ايكون مهلي فيها هكا جا فبالها
دقايق وهوما ساكتين وهو ينطق: أسيل بنت خالتي
سكت شحال كيتفكر ونطق: خف من الريشة..كانت خطيبتي وكنت انتزوجها
بلعات ريقها كتسناه يكمل وهي كترمش بعينيها
عيات صابرة وهي تنطق: كنتي كتبغيها؟
تواني ونطق: كانت كتعجبنيي
..
بلعات ريقها كتسناه يكمل وهي كترمش بعينيها
عيات صابرة وهي تنطق: كنتي كتبغيها؟
تواني ونطق: كانت كتعجبنيي
هنا زيرات على فكها وقطعات الحس ..
كمل هو كلامو: كانت فيها الهضرة بزاف..عزيز عليها الشطيح ....ومبرهشة..شنو كان عاجبني فيها من هدشي كامل عفويتها وضحكتها..وكيفاش كتبغي الحياة وكتصغر المشاكيل
عبلة هو كيهضر وهي كتزير على سنانها كتر وكتر وتزيد تكرهو وتكره راسها..
كمل وهو كيحرك يديه بالشوية على خصرها: خطبتها وكنا انتزوجو ولكن لقيت انها ماصالحاش ليا وغادي نعدبها معايا كتر..هي خفيفة بزاف وماكاتسمعش للهضرة ومتسرعة وانا معصب ويدي سابقاني..شحال من مرة مديت يدي عليها بلا مانحس من تشيطينها ..هنا حبست نفسخ الخطوبة حسن مانتزوجها ونصدق قاتـ لها ..عاجباني فشي حوايج بساط وماعاجبانيش فشي حوايج كتيرة..وهاد الحوايج كنكرهم ..
سكت بحاليلا كيتذكر شي حوايج: كانت كتبغيني بزاف ماتقبلاتش نفسخ لخطوبة..مشات بغات تدبح يديها كوماعتقتهاش يوماين وهي فالصبيطار داويتها وصيفطتها لمريكان من تم عمرها رجعات…ودابة باغة ترجع وعارفها لاش باغة ترجع خاص تحيدني من بالها وتديها فراسها..حيت لا حاولات ترجع تدخل لحياتي وانا فهاد الحالة اننسى انها بنت خالتي وما انرحمهاش او غادي نحرقو داك العائلة
حنا راسو شاف فيها وهز ليها راسها: كنت كنتسناك تكوني غير عليهم كاملين اعبلة، وسط عنيا كنت انديرك روحي نعطيهالك ساعة صدقتي غدارة
بقات غا كتشوف فيه هاد الإنسان لي قدامها مامفهومش كاع فعلا عندو جوج وجوه ويقدر كتر..ماتعرفيش منين تشديه..خبيت وشيطان ويقدر يبان لك كالم ورزين ويبان لك رومانسي وحنين ويبان لك غدار وبزااف..
نطقات: ليلة غلطت فيها وغير تزطمت فيها اتحاسبني حياتي كاملة عليها؟
ميل راسو وقرب باس شفايفها: انا هكا تعلمت ماننساش فعلة لي غدرني..تعلمت نكون حقود..ونتي ماشي اي واحد
نزلات راسها وسكتات: بنت خالتك اترجع حيت عرفاتك طلقتيني ياك
نطق: اه
كملات: خيد معاها شوية ورجع قاد امورك معاها ونساني عليك
نطق: نتي لي عمري ننساك
بغات تدوي وهو يقرسها فخصرها: ششش سكتي غادي نعس
سكتات وهو غمض عينيه كان عيان نعس داك الساع..عبلة ماقادراش تتحرك حيت متبتها ومامخليهاش تنوض استسلمات وهي كتفكر فكلامو وفكاع تصرفاتوو وكتفكر فأسيل تاهي..بقات شحال تانعسات تاهي..
نهار جديد..
كانت فالكوزينة فاقت فالصباح مالقاتوش..سلاو لفطور ..غفلاتهم ومشات للخربة ديالها ..دخلات وهزات الطليفون شعلاتو وجلسات كتتصنت لاودويات وكل شوية كتبتاسم صافي وراقها واجدين باصبور فيزا تا لوراق لي فالطاليان..ولات طاليانية وهي فالمغريب عضات على شفايفها وهي كتشوف فوقاش عثمان صيفط ليها لاوديوات وبدات كتحسب: قال بقات ربعيام داز نهار بقات تلتيام ايدوز هاد النهار اتبقة يوماين..يعني يوماين وانمشي من هنا يوماين وانتهنا منو ومن طاصيلتو..
تنهدات: ياربي ماخلي هاد ليوماين دوز على خير ياربي..
ودوزات النمرة ديال عثمان ماجاوبش دقايق ورجع صونا..جاوبات وهي متبسمة: عثمان انا فرحانة بزاف بقات غير يوماين ونمشي من لهنا
تبسم: وجدي راسك للحياة السعيدة فالطاليان
ضحكات: غنرتاح
فجيهة خرا حدا لباب كانت واقفة كتتصنت لكلامها هي وعثمان رجعات باللور ومشات ..
كانت كتمسح فلغبرة فالصالة وهي فرحانة بقات يوماين وغادي تمشي من لهنا وتتهنا
تفكيرها كلو فهدشي..ماعرفاتش علاش ماخافتش من عثمان واقيلة حسات هو املها الوحيد لي بقة ليها..يعيى يكون خايب ماغاديش يكون بحال هارون وداكشي لي دوز عليها..شكون هدا لي ايقبل يغدر بالبوص ويقدر يدخل فحرب معاه باش يعاون وحدة لجأت ليه وطلبات المساعدة منو..الا وانه قلبو فيه واحد شوية دالمحنة واخة مافيوزي تاهو..
تنهدات كتتخايل راسها فالطاليان بعيدة على كلشي اما تا لعائلة نكروها تنهدات وهي كتتفكر الزاكي ما اتبغيش دخلو فمشاكل مع هارون ..هارون يقدر يخرج على خوهاا ..
دورات وجها وهي كتسمع سحر كتدوي فالطليفون: صافي خودو لفلوس حسبوها مزيان تأكدو من كلشي ورجعو غدا كاينة حمولة خرا ..
وقطعات وشافت فعبلة وخنزرات وقربات ليها: من غير انك قتـ الة وغدارة وليتي قحـ بة بالطاي طاي ولفتيها
عبلة حطات داك لمنديل وشافت فيها: كون فيكم النفس نيت ومحتارمين كون ملخيتوهش يخلني هنا معاكم وتشوفوه شكا يدير ونتوما ساكتين ..ياك كتكرهوني وماحاملينيش لاش مخليينو يدير لي بغة ويخلنيي معاه ويردني قحـ بة ديالو..حيتاش ماقديتوش عليه حكاارة نتوما..
سحر هزات يديها اتجمع معاها وهي تشدها ليها عبلة: خليك بعيدة عليا حسن ليك..ماقادش بهضرتك ضربي الطم وسكتي سمك طلعيه فيك هو لي جايبني ومخليني عايشة
ودفعات يديها..
سحر رجعات باللور كتغلي وماقاداش تمد يديها ودير فيها شي حاجة حيت لبوص ما ايرحمهاش..
مع الدورة شافتو داخل تقادات فالوقفة وقربات ليه تحنات باست يديه: بوص
طل على هاديك لي كتمسح فالغبرة ماشافتش تا لجيهتو..رجع شاف فسحر لي كتشوف فيه ماكاتحملوش حتى يشوف فعبلة
شاف فيها وقوص حواجبو: لاباس عليك
سحر هزات راسها باه: الحمد لله
حط يديه على كتافها: مرتاحة ؟
هزات راسها باه مافاهمة والو اول مرة يدوي معاها هكا: اه مرتاحة..بغيتيني فشي حاجة
هز راسو بلا: لا..محتاجة شي حاجة
سحر : لا علاش
عبلة كتسمع كلامو ودارت تشوف اش واقع
البوص:شنو ليوم
سحر بالتلفة نسات شنو ليوم:ااا..اووف ..
البوص:عيد ميلادك
شافت فيه بالزربة وهزات راسها باه من بعد ماتفكرات عيد ميلادها:اه
ميل. راسو هنا تبسم ليها :ماباغاش شي كادو
قلبها بغة يوقف من داك الابتسامة اول مرة يبتاسم ليها هي خصيصا وحاط يديه على كتافها بغات تسخف
بدات كترمش بالزربة بعينيه وتلفات ليها لهضرة
جبد من جيبو سورات الطموبيل :لكادو ديالك
خرجات فيه عينيها كتر كتشوف مكتوب شعار الطموبيل المفضلة عندها
رجعات شافت فيه كتحس براسها كتحلم نطقات:واش هدشي بصاح؟
ضربها على كتفها:اه
تبسمات وبلا ماتحس طارت عليه عنقاتو بالجهد
عبلة كتتفرج فيهم من اللول …جات عينيها فعينيه وهي تقلب وجها داك الساع..
بعدات عليه وهي متوترة نطقات: سمحلي عفاك انا غير..
البوص: ما انضربوش دويرة تسوكي بيا
تبسمات فرحانة: اكييد ليا الشرف نسوك بيك
البوص: يلاه زيدي.
رجع شاف فعبلة عاطياه بالضهر وخرج هو وسحر كدور على الطموبيل حمقتها ولي مفرحها كتر انه منو هو وانه عاملها مزيان وتبسم ليها وعاطيها وقت فعيد ميلادها…
ركبو فالطموبيل وديمارات وهو جالس حداها…..
عند عبلة
رمات داك المنديل كتتفكر كلامو وكيفاش عنقاتو وجايب ليها طموبيل وخرج هو وياها…وهي؟ هي كيدور يدور ويجي يعدب فيها ويفش غليلو فيها..غلطات مرة عاقبها كتر من مرة وفوق ماتستاهل من العقاب ومازال..
تمتمات: كنكرهك اهارون..عمري كرهت شي واحد بحال كي كنكرهك نتا..الله ياخد فيك الحق..
نمشيو لجيهة خرا..ايطاليا 🇮🇹..
قاعة كبيرة مقر المافيا الخاص ب باولو لايطالي المافيوزي سابقا والمستشار بزعماء المافيا حاليا ..هو نفسو لي عقد المعاهدة بين البوص وعثمان..
كان جالسة مترأس داك الطبلة لكبيرة ..
دخل واحد من الرجال ليكيط فودنيه جسم ضخم لباس رسمي ودوة بالإيطالية: وصل اسيدي
هز راسو باه وجمع الوقفة ومشا جيهة الشرجم كيشوف وفد من الطموبيلات جاين جيهة المقر..
وقفو مصافين ونزلو فاستقبالو..حل ليه واحد فيهم لباب ونزل كيقاد لكول دقميجتو ولمونطو على كتافو نضرات حادين..وتاجه جيهت لباب دالمقر
باولو بعد من الشرجم فاستقبالو..
جوج دقايق وتحلات لباب ودخل بالهيبة ديالو المعتادة وحضورو القوي …
باولو قرب ومد يديه ونطق اول كلمة بعربية معكلة وكمل بلإيطالية: مرحبا بناصر الزعيم ايطاليا نورات بيك
ناصر الزعيم تبسم ودوة بلإيطالية: شكرا ليك باولو
باولو فتح ليه الطريق باحترام: تفضل نت اللول ..
هز راسو باه وجر كرسيه وجلس مترأس هو الطاولة وفتح صدافات قميجتو اللولين كيشوف فباولو جلس تاهو
تقابلو مع بعضهم بنظراتهم ..